ÞINGSÁLYKTUNARTILLAGA HVER ER EIGINLEGA TILGANGURINN?????

Ég minntist EKKI á ÞINGSÁLYKTUNARTILLÖGURNAR í þessari samantekt minni, en að mínu áliti standast lögin um þingssköp Alþingis númer 55/1991 þar sem „þingsályktunartillögur“ ber fyrst á góma við stjórnarskrárbreytingar árið 2001, EKKI stjórnarskrána.   Það  var svo ekki fyrr en árið 2020, sem skrifstofa Alþingis gaf út leiðbeiningar um HVERNIG vinna skyldi „þingsályktunartillögur“, fram að þeim tíma höfðu þær víst verið nokkuð skrautlegar margar hverjar.  Fyrst þegar var verið að verja það að bera skyldi fram mál sem „þingsályktunartillögur“, var því borið við að þar yrði aðeins um „SMÁMÁL“ að ræða sem væru það lítilvæg að ekki tæki því að fara með þau til forsetans til undirskriftar.  Fyrstu árin eftir árið 2001, eftir að þessu ákvæði var „laumað“ inn héldu menn sig við að  „smærri" málin voru afgreidd með þingsályktunartillögum, en í júní 2009 urðu ákveðin tímamót í þessum efnum; ÞÁ VAR SAMÞYKKT ÞINGSÁLYKTUNARTILLAGA UM AÐILDARUMSÓKN ÍSLANDS AР ESB (Þingsályktunartillaga 1/137 frá júní 2009).  Og ekki er hægt að segja að þarna sé um eitthvað SMÁMÁL að ræða, en samkvæmt mínum athugunum gerist það þarna að þingsályktunartillögum fjölgar alveg gífurlega.  En svo  við förum aftur að ESB umsóknin í júní 2009 þá er þarna ekki um neitt „SMÁMÁL“ að ræða.  Eftir óstaðfestum heimildum sem ég hef undir höndum, þá var þarna um að ræða ríkisstjórn Jóhönnu Sigurðardóttur og Steingríms Jóhanns Sigfússonar og þar var Utanríkisráðherra Össur Skarphéðinsson.  Þegar umsóknin kom til tals, „strandaði“ alltaf á því að Jóhanna og flokksmenn hennar höfðu þá staðföstu trú að þáverandi forseti lýðveldisins myndi ALDREI skrifa undir þessa umsókn, sem þýddi að þá yrði þjóðaratkvæðagreiðsla og það væri alveg einsýnt að þar yrði umsóknin FELLD og þar með yrði umsóknin dauð.  Þá datt einhverjum snillingi í hug  (sagt er að sá snillingur hafi verið Össur Skarphéðinsson) að leggja aðildarumsóknina að  ESB,  fram sem þingsályktunartillögu því þá þyrfti ekki að hafa ÁHYGGJUR AF FORSETANUM.  Hvort gjörningurinn væri brot á lögum væri seinni tíma vandamál.  Eftir þetta fóru mörg STÆRRI mál í gegnum þingið sem þingsályktunartillögur.  Alls hafa 1.287 mál farið í gegn sem þingsályktunartillögur og er það vel merkjanlegt hvað þessum málum hefur fjölgað mikið síðan 2009og „þröskuldurinn“ á stærð málanna hefur hækkað mikið.  Ég fór lauslega yfir þennan lista af þingsályktunartillögum frá upphafi og af þessum 1.287þingsályktunartillögum eru 246, sem varða BREYTINGAR á „viðaukum“ EES samningsins og ég sem hélt að ekki væri hægt að breyta gerðum samningi jafnvel þó aðeins sé um að ræða viðauka.  Ég er ansi hræddur um að margt athugavert kæmi í ljós ef allar þessar þingsályktunartillögur yrðu skoðaðar.  Standast flestar þessar þingsályktunartillögur stjórnarskrána????????

Athugasemdir

[Sigurður I B Guðmundsson, 9.1.2024 kl. 21:27]

Haltu endilega áfram þessari rannsóknarvinnu og láttu vita hvað er að gerast.

[Jóhann Elíasson, 9.1.2024 kl. 22:25]

Þakka þér fyrir Sigurður, mér sýnist bara vera freka fáir sem hafa einhvern áhuga á þessu........

[Tómas Ibsen Halldórsson, 9.1.2024 kl. 22:48]

Vel af sér vikið Jóhann, það eru svo margir sem hugsa ekki út fyrir rammann, láta mata sig og gleypa hrátt það sem að þeim er rétt. Ég tek undir með Sigurði, haltu áfram, það sem þú ert að gera er að vekja marga til umhugsunar. Þú átt heiður skilinn.

[Jóhann Elíasson, 10.1.2024 kl. 00:52]

Þakka þér fyrir góð orð í minn garð Tómas, en ég segi við þig eins og Sigurð "það virðist nú ekki vera mikil eftirspurnin eftir þessu"....

[Magnús Sigurðsson, 10.1.2024 kl. 05:06]

Flottur pistill Jóhann, -það má kannski segja það um þingsályktunartilögur að þær séu til að fara í kringum stjórnarskrána svona rétt eins og reglugerðir ráðherra við lög eiga það til að snúa út úr því sem almenn ályktunarhæfni taldi tilgang laganna.

Annars segir orðskrípið þingsályktunartillaga allt sem segja þarf, hún verður aldrei annað en ályktunartillaga þó svo þingið beri hana fram. -Og hvað er ályktunartillaga?

[Jóhann Elíasson, 10.1.2024 kl. 09:25]

Mikið rétt Magnús og það kom mér mikið á óvart hversu mikið þetta hefur verið notað og notkunin aukist með árunum og nú er farið að gera einhliða breytingar á alþjóðlegum samningum, sem voru gerðir fyrir áratugum.  ER EKKI ÞÁ ALVEG EINS HÆGT AÐ LEGGJA FRAM ÞINGSÁLYKTUNARTILLÖGU UM AÐ SEGJA EES - OG SCHENGEN SAMNINGUNUM UPP???????

[Magnús Sigurðsson, 10.1.2024 kl. 11:27]

Þess ætti ekki einu sinni að þurfa Jóhann. Ályktun er ekki annað en niðurstaða að tillögu til laga þess alþingis sem setur hana fram. Ef þingsályktunartillagan stenst ekki stjórnarskrá þá er hún og verður lögleysa nema stjórnaskránni sé breytt. Þessi aðferð við að fara í kringum stjórnarskrána er það sem lallað er landráð.

[Jóhann Elíasson, 10.1.2024 kl. 11:58]

Alveg rétt Magnús, en þarf þá ekki að ræða þessi mál af einhverri alvöru og koma því bara á hreint hvað er í gangi????