Er þetta ekki bara byrjunin???????

Sjóðsfélagar fá enn meiri SKERÐINGU lífeyrisréttinda í hausinn þegar RAUNVERULEGT virði hlutabréfanna, sem eru ein helsta eign sjóðsins verður ljóst.  En ég hef hvergi rekist á umræðu þess efnis að framkvæmdastjóri sjóðsins taki á sig launalækkun til jafns við skerðingu sjóðsfélaga.  Ekki hef ég trú á að hann sé á neinum lágmarkslaunum og til að réttlæta þau er örugglega borið við að hann beri svo mikla ÁBYRGÐ.  Varla er hægt að tala um að hann beri mikla ÁBYRGÐef réttindi sjóðsfélaga skerðast vegna hans ákvarðana en hann heldur svo ÓSKERTUM launum eða hækkar jafnvel.

Stafir ákveða að skerða réttindi lífeyrisþega um 6%

Athugasemdir

[Rótarinn (IP-tala skráð) 20.5.2009 kl. 10:46]

Hvers virði eru þessir lífeyrissjóðir yfirleitt? Samtök atvinnulífsins hafa í skjóli arfavitlausra laga komist upp með að skipa helming fulltrúa í sjóðsstjórnum, og þeir hafa auðvitað sett þar klóka refi sem hafa haft ýmsa yfirburði til skamms tíma yfir fulltrúa launþega og sjóðfélaga. Þeir hafa með frekju og klækjum komið því þannig fyrir, að fjárfestingar sjóðanna hafa verið tóm steypa og miðuðust fyrst og fremst við hagsmuni þeirra fyrirtækja, sem stjórnarfulltrúar SA báru fyrir brjósti. Það er vitlausara en tárum taki að atvinnurekendur skuli komast upp með það með þessum hætti að ráðstafa þessum hluta launa launafólks og eftirlaunum þeirra. Þess utan hafa SA menn með sama hætti komist upp með að ráða því hverjir eru ráðnir forstjórar sjóðanna og hafa mest áhrif á launakjör þeirra, sem eru náttúrulega utan við allt sem heitir velsæmi. Sjóðsstjórar hafa auðvitað samráð við "sína menn" utan stjórnarfunda varðandi skyndiákvarðanir um fjárfestingar og þannig standa aðrir stjórnarmenn oftast frammi fyrir gerðum hlut varðandi fjárfestingar. Skiptir þá engu þótt þær séu alveg úr takti við þær fjárfestingaráætlanir, sem lagðar hafa verið fyrir FME og fengið þar staðfestingu, því þá er bara send inn breyting á fjárfestingaráætlun og hið grútmáttlausa FME samþykkir hana orðalaust. Bendi þér og öðrum á að lesa það sem dr. Wolfgang Már Mixa hefur ritað um þessi mál.