Þetta er nú hjóm eitt miðað við vesenið með Bakkafjöruklúðrið þegar það verður tekið í gagnið!!!!!!

Það verða kannski ekki svo margar ferðirnar sem falla niður fyrsta sumarið, um haustið verða "nokkrar ferðir" sem falla niður og veturinn á eftir að verða algjör "martröð".  Það hefði verið einfaldast að endurnýja skipið og fá um leið stærra og hraðskreiðara skip, í stað þess að vera að "ögra" náttúruöflunum á þann hátt sem verið er að gera með þessari vitleysu. Kannski er ég svartsýnn en ég spái því að þessi mannvirki í Bakkafjöru eigi eftir að verða "sandinum" að bráð á nokkrum árum.

Tafir vegna bilunar í Herjólfi

Athugasemdir

[Himmalingur, 5.7.2009 kl. 23:38]

Innilega sammála! Sem borinn og barnsfæddur eyjapeyi er mér ómögulegt að skilja þetta Bakkadæmi!!!!!!!

[Helgi Þór Gunnarsson, 6.7.2009 kl. 22:32]

Sæll Jóhann, það er nú orðið lagt síðan ég hef skrifað inn hjá þér "Kall" En það er nú ekkert til að skammast sín fyrir held ég. Ég sé að þú bloggar um uppáhalds umræðu efnið mitt hér í bloggheimum, það vill svo til að ég er farin að vinna við höfnina hér í Eyjum sem hafnarvörður, og er yfirlóðs maður nokkur sem er jafngamall mér og vinur, nágranni og fyrrverandi skólabróðir, en við drekkum morgunkaffið saman, en þessi maður er í samgöngunefndinni sem samgönguráðherra skipaði á sínum tíma til að vera til umsagnar um samgöngubætur til Eyja, þessi téður lóðsmaður sagði okkur fyrir þrem vikum að þeir hjá vegagerðinni væru farnir að skjálfa vegna framkvæmda í Bakkafjöru, en hann hafði daginn áður talað við þann mann sem sér um þessa framkvæmd hjá vegagerðinni, og voru þeir sammála því þessir nefndarmenn að höfnin sjálf yrði aldrei tilbúinn á réttum tíma, útboðsgögn eru ekki tilbúinn, yfirmaður minn sagðist hafa haft þá rétt fyrir sér í fyrra þegar hann sagði að garðarnir myndu standa hafnarlausir í tvö ár, bara svona til að athuga hvort þeir þoli álagið.

Jóhann, ég veit ekki hvað ég á að halda um þetta mál, en ég vona að þeir milljarðar sem verða settir í þetta borgi sig, ég hef sagt það og segi það enn að göng eru það eina sem er raunverulegasta samgöngubótin.

Kær kveðja frá Eyjum.

[Jóhann Elíasson, 7.7.2009 kl. 07:24]

Eins og ég sagði í blogginu, vona ég að ég sé óþarflega svartsýnn, en ég er hræddur um að raunin verði sú að þessar framkvæmdir verði sandinum að bráð, skip sem stranda í fjörunni eru ekki lengi að hverfa í sandinn, segir ekki einhvers staðar; á sandi byggði heimskur maður hús.??? En auðvitað er vonandi að þessar framkvæmdir verði þær samgöngubætur fyrir ykkur eyjamenn, sem þeim er ætlað en eins og áður segir er ég smeykur við þetta ÆVINTÝRI.  Alltaf gaman að fá athugasemdir frá þér Helgi til hamingju með nýju vinnuna og gangi þér allt í haginn í framtíðinni.