Föstudagsgrín

Góður vinur minn á stórafmæli í dag og er þessi tileinkaður honum.

Maðurinn kom heim úr vinnunni og sá konuna sína í ganginum búna að pakka niður öllum eigum sínum.

Maðurinn spurði hvert hún væri að fara og konan svaraði: "Ég er að fara til Vegas, þar sem ég get fengið borgað 40.000 krónur fyrir það sem ég gef þér ókeypis!"

Án þess að segja orð fór maðurinn inn í húsið, konunni til mikillar undrunar. Skömmu síðar kom maðurinn niður í gang með tvö stykki stútfullar ferðatöskur.

"Og Hvert þykist þú vera að fara?" Spurði konan.

Maðurinn svaraði: "Ég einfaldlega verð að koma með og sjá hvernig þér tekst upp með að lifa á 80.000 krónum á ári."........

Föstudagsgrín

       Hversu marga karlmenn þarf til að opna bjórdós?

      Engan, bjórdósin á að vera opin þegar konan færir þér hana!

Föstudagsgrín

Í upphafi skapaði Guð heiminn og hvíldist.  Þá skapaði Guð manninn og hvíldist.  Þá skapaði Guð konuna.  Síðan þá hefur hvorki Guð eða maðurinn hvílst.

Föstudagsgrín

Hjónin sátu saman inn í eldhúsi og ræddu málin.  Allt í einu segir eiginmaðurinn við konuna; „ Eftir að við höfum átt í rifrildi, hvað gerir þú til að „ná þér niður?“

„Ég þríf klósettið“ Svaraði hún þá.

„Ha“.....  Hváði eiginmaðurinn.

„Já, með tannburstanum þínum“.............

Föstudagsgrín

Þennan sendi mér dyggur lesandi og sendi ég honum bestu þakkir fyrir.

Nonni gaf eitt sinn vinkonu sinni gallabuxur í jólagjöf og þar sem þessi hægláti náungi vildi vera dálítið frumlegur hafði hann skrifað á aðra buxnaskálmina gleðileg jól en gleðilegt nýtt ár á hina.  Eftir að vinkonan hafði tekið upp gjöfina sendi hún gefandanum svohljóðandi kort:

Kæri Nonni.

Vertu velkominn milli jóla og nýárs..........

Þín Stína.

Föstudagsgrín

Þennan sendi mér dyggur lesandi og sendi ég honum bestu þakkir fyrir.

Flugvél flaug í gegnum talsvert óveður. Ókyrrðin var mikil og ekki skánaði ástandið þegar eldingu laust niður í annan vænginn. Ein kona tapaði sér alveg. Hún stóð upp fremst í vélinni og öskraði "Ég er of ung til að deyja!!". Síðan kallaði hún "ef ég á að deyja núna þá vil ég að síðustu mínútur mínar í þessu jarðlífi verði minnisverðar. Er einhver hér í
flugvélinni sem getur látið mér líða eins og sannri konu?"

Það sló á þögn í vélinni og fólkið starði á örvæntingarfullu konuna fremst í vélinni. Þá stóð karlmaður frá Texas upp aftarlega í vélinni. Hann var myndarlegur, hávaxinn, vel vaxinn. Hann gekk rólega fram ganginn og byrjaði að hneppa frá sér skyrtunni, einni tölu í einu. Enginn annar hreyfði sig. Hann fór úr skyrtunni og hnyklaði brjóstvöðvana.  Hún tók andköf...

Þá, sagði hann...

"Straujaðu þessa og færðu mér bjór".

Föstudagsgrín

Þennan sendi mér dyggur lesandi og sendi ég honum bestu þakkir fyrir.

Eiginkonan sagði við eiginmanninn: „Ég vildi að ég væri dagblað, því þá væri ég í höndum þínum allan daginn.“ Eiginmaðurinn svarar að bragði: „Ég vildi líka að þú værir dagblað. Þá fengi ég nýtt blað á hverjum degi.

 

Föstudagsgrín

Þennan sendi mér dyggur lesandi og sendi ég honum bestu þakkir fyrir.

 

Hjón fóru með fimm ára son sinn á nektarnýlendu á Spáni. Dag einn fór pabbinn í göngutúr á ströndinni meðan mamman lá í sólbaði og sonurinn lék sér í sandinum. Drengurinn fór að skoða sig aðeins meira um og kom svo til móður sinnar og sagði: "Mamma af hverju er typpið á karlmönnum mismunandi stórt"? Mamman hugsaði sig lengi um, en sagði svo: "Það er af því að þeir eru mis ríkir".  Drengurinn var ánægður með þetta svar. Hann lék sér áfram og gekk um á ströndinni. Allt í einu kom hann hlaupandi til mömmu sinnar og sagði með látum: "Mamma, hann pabbi er að tala við konu og hann er alltaf að verða ríkari og ríkari"......

Föstudagsgrín

Hjónin sátu og ræddu um lífið og dauðann. Þar kom að í samtalinu að eiginmaðurinn sagði að hann vildi ekki að sér væri haldið lifandi með tækjum og fljótandi næringu.

Eiginkonan brást skjótt við, slökkti á sjónvarpinu og hellti niður bjórnum hans...................

Föstudagsgrín

Kennari var að kenna líffræði og hvernig blóðið ferðast um líkamann.  Hann reyndi að útskýra efnið og sagði að ef hann stæði á haus myndi blóðið renna í hausinn á honum og hann yrði rauður í framan  Þá spurði hann bekkinn, „ En af hverju verða þá ekki lappirnar ekki rauðar þegar ég stend í lappirnar?“  „ Nú það er vegna þess að lappirnar á þér eru ekki tómar eins og hausinn“, svaraði einn nemandinn.....